台北高雄快閃遊 Day 2 Part (II)

到達九份時已經係中午時分.........大家都好想找地方食午餐.....可是九份老街人頭擁擁.......要行得快都不是易事.....好不容易才行到昇平戲院附近的阿妹茶館.........歇下.....食下野......嘆下......... 剛好未來老婆在家的乳名係阿妹......所以佢好有親切感.......其實那裡只不過環景優美.....食物的味道都是一般.........所以不在此詳談......
九份山城

阿妹茶樓

阿妹茶樓一攝..........這個角度唔錯.........[因為未來老婆影架]

行完九份.....我們乘巴士回到瑞芳站轉乘台鐵........轉戰下一個目標.....美麗華百樂園 及伍角船板餐廳。這回我們坐的係區間車.....即係好似香港地鐵咁........所以平了一大截.......新台幣52元。

回到台北車站.....順道買埋下一日落高雄的高鐵車票.....高鐵正在推廣雙色優惠.....指定班次的指定席可享六五折或八五折優惠.......我們乘坐的班次由於是中午時分，只可獲八五折優惠，折合新台幣1,265元，即大約港幣三佰餘元。

買完高鐵飛，便坐捷運到劍潭站轉乘免費接駁巴士到美麗華百樂園........時間都不早......都係影張摩天輪相就算。因為重頭戲黎啦.......伍角船板餐廳。
美麗華百樂園的聖誕樹與摩天輪

伍角船板餐廳..........想了解更多的資料，可到下面的Link
http://www.five-dime.com.tw/html/homepage.htm
我們點了兩份優惠餐，每份新台幣600元。我們三個人已經可以食得飽飽出門口。點解?睇下下面的菜式啦.......

煙三文魚洋蔥沙拉 X 2

手工胡麻豆腐

牛榜紅棗燉子排 X 2

蔥油瓜漬蒸午仔魚 X 2

干貝海膽焗生蠔.

雞腿醮蘑菇醬

青蘋果蝦鬆

櫻花蝦炒飯 X 2

寶島新鮮果

船板鮮奶泥

仲有特調飲品.....不過唔記得影........你話係唔係夠晒!!! 如果有興趣試試，可參考下列資料
伍角船板台北店
台北市內湖路1段32巷8號 (近美麗華百樂園)
Tel: (886) 2 8501 1472
http://www.five-dime.com.tw/html/homepage.htm
飲飽食醉後，便乘接駁巴士回到士林夜市 (即劍潭站)。佢地怕人多，所以無入去行.....唯有在捷運站影張相便算。
你睇.....係唔係好多人......

我同未來老婆意猶未盡，回酒店前到誠品信義店打書釘......並到新光三越買太陽餅及芋頭酥作手信。

# 由於小弟攝影技術不精，故以上圖片皆是由未來老婆提供
住宿：
國聯飯店
台北市大安區光復南路200號