喜出望外之旅 - 深圳大梅沙 (四)

夜遊沙灘的同時，亦趁機下酒店的晚上的景色........晚上的景色亦有另一番風味，淡淡的藍色燈帶出種種浪漫的情調。好！等大家感受下啦！
晚上的戶外泳池

晚上的巨龍.......底層較光的地方便是大堂.......

差唔多要回房休息啦.........可是驚喜陸續有來...........打開房門後....發現有個生日蛋糕放在辦公臺上...........仲要有齊餐具及蠟燭.....原來係未來老婆預早安排架.......剛好遇上生日，酒店可免費安排生日蛋糕，並可安排送上房間。
真係好開心.......多謝你!

生日蛋糕一及餐具一攝

鮮忌廉生日蛋糕.......雖然樣子不及香港的美觀，可是味道卻不錯.......

當然.....食完咁豐富的自助餐，係無可能食得晒這個蛋糕，但我地又唔想晒左佢。我即時諗左一陣........試下可唔可以放在房內的雪櫃，留番第二朝食; 但係個雪櫃實在係太細，容不下這個蛋糕；唯有打去前臺搵救兵，哈!!
五星級酒店就真係有五星級服務。佢地可以幫我地雪住個蛋糕，再食時可以Call 佢地出來，服務真係好！咁大個仔都未試過。
醒一覺後，發覺剛剛日出，啦啦聲叫未來老婆影張日出相.... 係唔係好靚呢? 未來老婆話，好在趕得切，遲多幾分鐘就影不到

原來大清早就已經有人係沙灘 "示愛"

大梅沙海濱公園空無一人.........

由於唔包早餐，又見餓餓地，咪叫Room Service 送個蛋糕上房當早餐食。早餐後，便再到花園及沙灘散步，又影左一d相。
熱帶花園

熱帶花園 +酒店大樓

沙灘上幼細的沙及背殼

海浪及清潔的沙灘

酒店隔離的遊艇會......可惜唔係太多遊艇

(待續)

喜出望外之旅 - 深圳大梅沙 (五)

行完花園後，趁仲有些時間便再遊多轉水.....仲玩埋個滑水梯......正！玩到差唔多12時.....要check out 啦。這裡給我留一些難忘的回億，真係有點依依不捨。
離開時一拍

我們在酒店門口乘坐觀光1路線巴士離開大梅沙，前往深圳福田區的中信城市廣場內的豫園上海飯莊午膳。這條巴士線是採用雙層巴士行駛，觀光一流。由大梅沙到深南中路市委站，大約 45分鐘。中信廣場就是位於巴士站對面。
金龍雙層巴士的內籠......相當整潔及新淨

由於肚餓的關係，我們立刻去到位於廣場4樓的豫園上海飯莊午膳。今次佢地供應午市套餐，套餐包飲品、兩款小食、一款湯、一款小菜及擔擔麵，都只係RMB68.....好抵食。兩個人都係食左RMB 170左右........食品質素保持一貫的水準，難怪蔡瀾都推薦。
午市套餐菜牌

百合南瓜羹

四款前菜........雞絲粉皮、桂花蓮藕、四喜烤夫、海哲頭

兩款小菜：糖醋魚片

蟹粉獅子頭

陽春麵兩碗......

食完後便行下廣場內的吉之島及位於會展中心城的家樂福。到了差不多5時，便搭的士 (RMB 13) 往皇崗口岸乘跨境全日通回灣仔 (HKD 45)，結束這次既開心又滿足的旅程。
拍攝相機：Canon 500D

喜出望外的生日之旅 - 深圳大梅沙 (一)

轉眼又到我的生日。今年剛好遇上重陽連續三天假期，未來老婆特意安排一個短線旅行；地點係深圳大梅沙。
由於地點不遠，加上都係想悠悠閒閒地去渡假，所以早上十時多才出發，前往九龍塘搭乘沙頭角快線往深圳沙頭角。過關後，轉乘深展巴士103B前往大梅沙喜來登渡假酒店。全程只需約50元 ($11.2 + $35 + RMB$2)，比乘坐直通巴士($11.2+ $75) 慳了數十元，真係正！
大約於12時許抵達酒店，已可直接取房及放低行李。房間景觀一流，每間房都可眺望南中國海以及大梅沙的海濱浴場...........
大梅沙喜來登渡假酒店門外

大梅沙喜來登渡假酒店的外觀.....都幾壯觀

大堂的吊飾及特大的玻璃天幕

酒店電梯大堂

我們獲編配到621號房。單看門口的設計，已經係嘩嘩聲...........一打開門.......就更加嘩嘩聲四起..........房間設備及景觀一流，每間房都可眺望南中國海以及大梅沙的海濱公園...........就因為鄰近海邊.......時時刻刻都可以聽到海浪聲.........係唔係好正?
房門口.......621號房

打開房門一攝........間房都好大

兩張接近雙人床size的單人床.......以及浴室

辦公桌及辦公椅......並提供上網服務

我最鐘意的露台及檯椅

特大的洗手間...兩個細手盆.....坐廁....

花灑.......浴缸.....仲有件好厚的浴袍......住客專用......

房間的壯闊景觀......大梅沙海濱公園及瞭望塔

以及南中國海........下方係酒店的私家海灘

係唔係好想去呢？睇著咁多先.......下次再分享酒店的設施及其他節目
(待續)

喜出望外的生日之旅 - 深圳大梅沙 (二)

在房間休息一會後，便參觀酒店的各項設施。在底層一出電梯，便是酒店的西餐廳 Feast。進入住客專用的酒店花園，便可見道一望無際的南中國海及私家沙灘。再近一點，便是長達數十迷的戶外永池及水景花園。整個佈局極具東南亞風情，使我們差點忘記自己依然身處深圳。
極具氣派的旋轉樓梯

西餐廳 Feast的招牌

Feast內一攝.........一間極開揚的餐廳

住客專用的後花園

水景花園的蓮花

 極具規模的戶外泳池......有點像在東南亞流行的Infinity Pool。

戶外泳池設有不少的沙灘椅.........

直達私人沙灘的小橋

酒店的私人沙灘......都有點浪....所以都係玩下水好啦.....

日日都對住海天一色的美景......唔知佢悶唔悶呢?

在沙灘上一攝......酒店好像一條巨龍.....欲在沙灘上騰飛

時間都不早，係時候出去食 Lunch。出到去大梅沙市面，食肆的選擇並不多，除了快餐店，大多數都係頗為地度的餐廳，我們並不感到太大興趣。最後，我們選了位於雅蘭酒店地下的五谷芳海鮮酒樓，一來門面好似吸引點，二來亦有不少網友都曾光顧。以我的標準來說，食品質素僅屬合格；服務員的效率偏低，只懂推銷貴價茶及果汁。我們點了三個小菜及一個白飯，埋單約RMB 100。
五谷芳海鮮酒樓門外

酒樓內一攝......樓上係雅蘭酒店的房間

乳鴿皇.........同中山石歧佬差成條街

上湯浸菠菜.......D 菜浸得唔夠諗

錫紙燒焗茄子........選係比較好的

這餐都唔係食得好飽，其實我都專登留肚.......因為好戲在後頭.......下回分解
(待續)