小肥遊遊遊: 2009

2009年12月22日星期二

台北浪漫求婚之旅2009 - 預告篇

係台灣返左都有半個月，其間忙過不停，現在才有些少時間開始寫遊記。我去過台灣好幾次，今次的旅程對我來說都幾特別，因為
1) 所有機票都係Asiamiles 贊助
2) 用了最少時間去Plan 行程 (出發前一日才寫行程)
3) 第一次試台灣日式溫泉的一泊兩食
4) 有朋友出手相助獲得台北市內酒店優惠
5) 第一次見台北的貓熊 .... 團團及園圓
最重要係........求婚成功，女友應承嫁給我。精采內容會陸續送上，俾大家睇著d 相先啦。
飛往台北的航班 CX 450.......無錯係去台北先.....再去東京......

夕陽照射下的台北101大樓

台北鼎泰豐.....忠孝店門口

野柳地質公園的地貌 - 似唔似磨菇.....

美麗華百樂園的摩天輪....浪漫熱點

台北動物園的『貓熊』....唔記得係團團定圓圓

戲肉所在......烏來璞石麗緻溫泉飯店......

小弟的求婚傑作.....其實都係飯店工作人員的心思........心型玫瑰花瓣.....心型氣球

及玫瑰花一束....加送可愛小熊一隻......

烏來的景色

北投的國立圖書館

北投溫泉博物館

北投地熱谷

淡水漁人碼頭情人橋

台北袖珍博物館

2009年10月25日星期日

喜出望外之旅 - 深圳大梅沙 (四)

夜遊沙灘的同時，亦趁機下酒店的晚上的景色........晚上的景色亦有另一番風味，淡淡的藍色燈帶出種種浪漫的情調。好！等大家感受下啦！
晚上的戶外泳池

晚上的巨龍.......底層較光的地方便是大堂.......

差唔多要回房休息啦.........可是驚喜陸續有來...........打開房門後....發現有個生日蛋糕放在辦公臺上...........仲要有齊餐具及蠟燭.....原來係未來老婆預早安排架.......剛好遇上生日，酒店可免費安排生日蛋糕，並可安排送上房間。
真係好開心.......多謝你!

生日蛋糕一及餐具一攝

鮮忌廉生日蛋糕.......雖然樣子不及香港的美觀，可是味道卻不錯.......

當然.....食完咁豐富的自助餐，係無可能食得晒這個蛋糕，但我地又唔想晒左佢。我即時諗左一陣........試下可唔可以放在房內的雪櫃，留番第二朝食; 但係個雪櫃實在係太細，容不下這個蛋糕；唯有打去前臺搵救兵，哈!!
五星級酒店就真係有五星級服務。佢地可以幫我地雪住個蛋糕，再食時可以Call 佢地出來，服務真係好！咁大個仔都未試過。
醒一覺後，發覺剛剛日出，啦啦聲叫未來老婆影張日出相.... 係唔係好靚呢? 未來老婆話，好在趕得切，遲多幾分鐘就影不到

原來大清早就已經有人係沙灘 "示愛"

大梅沙海濱公園空無一人.........

由於唔包早餐，又見餓餓地，咪叫Room Service 送個蛋糕上房當早餐食。早餐後，便再到花園及沙灘散步，又影左一d相。
熱帶花園

熱帶花園 +酒店大樓

沙灘上幼細的沙及背殼

海浪及清潔的沙灘

酒店隔離的遊艇會......可惜唔係太多遊艇

(待續)

喜出望外之旅 - 深圳大梅沙 (五)

行完花園後，趁仲有些時間便再遊多轉水.....仲玩埋個滑水梯......正！玩到差唔多12時.....要check out 啦。這裡給我留一些難忘的回億，真係有點依依不捨。
離開時一拍

我們在酒店門口乘坐觀光1路線巴士離開大梅沙，前往深圳福田區的中信城市廣場內的豫園上海飯莊午膳。這條巴士線是採用雙層巴士行駛，觀光一流。由大梅沙到深南中路市委站，大約 45分鐘。中信廣場就是位於巴士站對面。
金龍雙層巴士的內籠......相當整潔及新淨

由於肚餓的關係，我們立刻去到位於廣場4樓的豫園上海飯莊午膳。今次佢地供應午市套餐，套餐包飲品、兩款小食、一款湯、一款小菜及擔擔麵，都只係RMB68.....好抵食。兩個人都係食左RMB 170左右........食品質素保持一貫的水準，難怪蔡瀾都推薦。
午市套餐菜牌

百合南瓜羹

四款前菜........雞絲粉皮、桂花蓮藕、四喜烤夫、海哲頭

兩款小菜：糖醋魚片

蟹粉獅子頭

陽春麵兩碗......

食完後便行下廣場內的吉之島及位於會展中心城的家樂福。到了差不多5時，便搭的士 (RMB 13) 往皇崗口岸乘跨境全日通回灣仔 (HKD 45)，結束這次既開心又滿足的旅程。
拍攝相機：Canon 500D

2009年10月24日星期六

喜出望外的生日之旅 - 深圳大梅沙 (一)

轉眼又到我的生日。今年剛好遇上重陽連續三天假期，未來老婆特意安排一個短線旅行；地點係深圳大梅沙。
由於地點不遠，加上都係想悠悠閒閒地去渡假，所以早上十時多才出發，前往九龍塘搭乘沙頭角快線往深圳沙頭角。過關後，轉乘深展巴士103B前往大梅沙喜來登渡假酒店。全程只需約50元 ($11.2 + $35 + RMB$2)，比乘坐直通巴士($11.2+ $75) 慳了數十元，真係正！
大約於12時許抵達酒店，已可直接取房及放低行李。房間景觀一流，每間房都可眺望南中國海以及大梅沙的海濱浴場...........
大梅沙喜來登渡假酒店門外

大梅沙喜來登渡假酒店的外觀.....都幾壯觀

大堂的吊飾及特大的玻璃天幕

酒店電梯大堂

我們獲編配到621號房。單看門口的設計，已經係嘩嘩聲...........一打開門.......就更加嘩嘩聲四起..........房間設備及景觀一流，每間房都可眺望南中國海以及大梅沙的海濱公園...........就因為鄰近海邊.......時時刻刻都可以聽到海浪聲.........係唔係好正?
房門口.......621號房